Текст песни Corvus Corax Ougenweyde

Nu ist der k?ele winder gar zergangen,
diu naht ist kurz, der tac beginnet langen,
sich hebet an ein w?nneclichiu zit
diu all der werlde vreude giht
baz gesungen nie der vogel e noch sit.

Komen ist uns eine liehtiu Ougenweyde
man siht der rosen wunder uf der heide,
die bluomen dringent durch das gras
wie schone ein wise getouwet was,
da mir min geselle zeinem kranze las!

Der walt hat siner grise gar vergezzen,
der meie ist uf ein gr?enez zwi gesezzen,
er hat gewunnen loubes vil,
bint dir balde, trutgespil
du weist wol, daz ich mit einem ritter wil.

Daz geh?rte der m?gde muoter tougen
sie sprach "behalte hinne v?r din lougen.
din wankelmuot ist offenbar
wint ein h?etel um din har.
du muost an die dinen wat, wilt an die schar.

"Muoter min wer gap iu daz ze lehen,
daz ich iuch miner waete solde vlehen?
dern gespunnet ir nie vadem.
lazet ruowen solhen kradem.
wa nu sl?zzel? sliuz uf balde mir das gadem."

Diu wat diu was in einem schrin versperret.
daz wart bi einem staffel uf gezerret.
die alte ir leider nie gesach
do daz kint ir kisten brach,
do gesweic ir zunge, daz si niht ensprach.

Dar uz nahm si daz r?ckel also balde.
daz was gelegen in maniger kleinen valde.
ir g?rtel was ein rieme smal
in des han von Riuwendal
warf diu stolze maget ir gickelvehen bal